Hilu pa hak i Breigaren

Nos a kaba di risibí un surtido grandi di hilu pa hak i
breigaren den diferente kolo.
Pasa bin wak pa bo mes.

Piedra (semi) presioso

Den transkurso di siglo nan tur kultura i religion a hasi uso di piedranan (semi) presioso komo símbolo, dekorashon òf pa motibu nan práktiko. Ta konosí ku den tempu di Egipto antiguo e fárao nan tabata bisti piedranan presioso komo dekorashon i protekshon.

Den beibel ta ser bisa kon Dios a instruí e pueblo pa traha un kadena pa e pader supremo ku 12 diferente piedra presioso riba dje.

E 12 piedranan aki tabata konsistí di 4 rei di 3 piedra.
E promé rei tabatin e piedranan: Ruby, Chrisolite i Beryl;
Segundo rei: Turquoise (tuurkuas), Safir i Esmeralda;
Terser rei: Jacinth, Agathe i Amethyst;
Kwarto rei: Topas, Onyx i Jasper.

E 12 piedranan aki tabatin e nòmbernan di e 12 yunan di Jacob, kendenan tabata simbolisá e 12 tribunan di Israel.

Piedranan (semi) presioso ta sali for di Tera i ta kontené un volúmen di informashon i vibrashon masha grandi. Via di e piedranan nos komo hende ta haña influensianan positivo di Tera.

Kua di e piedranan ta esun nan mihó pa nos usa pa yuda nos mentalmente, físikamente, spiritual mente? No tur piedra por bai ku tur hende. Esaki ta algu masha personal. Kada hende tin ku sinti pa nan mes, kua piedra ta bai bon ku ne i kua no. Abo ku e piedra mester kuadra ku otro.
Si Bo ta sinti Bo bon ku un piedra, anto e piedra ei ta bon pa Bo.

Piedra i sleip ta konsentrá energia i ta bon pa esaki nan tin kontakto ku Bo kurpa. Bo por karganan den un koyar òf kadena, un pulsera òf un renchi. Piedranan (semi)presioso ta tuma energia negativo i tenshon over. No keda tene e piedra henter anochi serka Bo. E piedra ta pèrdè energia i no ta duna Bo e energia nesesario mas.

Tempu tempu e piedra ta pèrdè su kondishonnan i tin ku dun’e un trato di limpiesa i un periodo di sosiegu. Djis pone e piedra minimalmente 3 dia den un baki di awa. Tambe por pone e piedra for di mainta tempran te anochi den un baki. No pone e piedra den solo. Lus di luna si ta bon pa e piedra ku tin ku para pa 3 te ku 5 dia pa e rekobrá su energia.

E piedra ta un organismo bibu i aktivo. Pero por yega un momento ku e piedra ta pèrdè su abilidatnan. E ora ei ta momento pa buska un otro piedra.

No tira un piedra afó ku a kaba di traha. Dun’e bek na Tera. Der’e un kaminda den kura i dje forma ei e siklo di bida ta bai rònt. Bo ta duna Tera bek loke Bo a haña di dje.

Bo kas pa piedranan (semi) presioso

Garnet (kolo brùin)
– Promové sintimentu di siguridat i stabilidat
– Protegé kontra mal soño
– Duna guia den skuridat
– Sana sanger, promové bon sirkulashon
– Promové aktividat seksual salu
– Promové hasimentu di negoshi eksitoso

Amethyst(kolo violet)
– Ta trese pas i serenidat
– Aliviá doló di kabes, desareglo di pánkreas, doló di lomba
– Ta restringí alkoholismo
– Ta protegé kontra engaño

Turquoise (kolo blou)
– Reforsá bon smak, promové bon suerte, subi satisfakshon
– Ta promové tumamentu di akshon
– Ta yuda kontra iritashon den menopousa
– Ta bon pa yu chikí pa protekshon kontra oyada

Tiger eye    (kolo oro hel ku strepi)
– Ta promové sentido di responsabilidat
– Ta subi konfiansa propio
– Ta kombatí kramp, hiperventilashon
– Ta duna kurashi i forsa.