Caribelle Arts & Crafts ta un negoshi specialisá riba asuntunan di obra di man i ku ta establesé for di 1987.

Komo un hende ku semper a gusta di hasi obra di man i hopi biaha no por a haña e material ku tin mester, nos a pensa pa habri un negoshi ku ta bende material di obra di man i duna servisio di esaki.

Originalmente nos tabata situá na Bloempot Shopping Center, pero despues nos a muda pa Toni Kunchi, Kaya Yay Römer # 3.

Awor aki nos tin komo 29 aña funshonando i nos por ser konsiderá komo e negoshi ku e surtido mas amplio riba e tereno aki na Kòrsou.

Danki na nos klientenan nos por a funshoná tur e tempu ei. No solamente nos klientenan di Kòrsou, pero tambe di Aruba, Boneiru i San Martin. Tambe bishitantenan temporal (turistanan) sa bishitá nos negoshi.